Unglingamótaröð GKG, Kristals mótaröðin, er nú haldin í tíunda sinn. Þetta er flokkaskipt höggleiksmót með og án forgjafar og er hugsuð fyrir þau sem eru orðin vön að spila Leirdalsvöllinn. Keppt er í flokkum 14 ára og yngri, 15-18 ára, pilta og stúlkna. Einnig er leikið í Meistaraflokkum karla og kvenna.

Mælst er til þess að þau sem taki þátt hafi þegar lækkað forgjöfina og séu vön að leika völlinn, en leiknar eru 18 holur á Leirdalsvelli og ströng krafa um lágmarks leikhraða gerð (4:20 klst per 18 holur). 

Í þessu móti er ávallt spilað “ready golf” og skylda er að taka upp eftir 9 högg og skrá 10 á holuna.
(“Ready golf/golf án tafar, er þannig að ekki er fylgt hefðbundinni leikröð heldur skal kappkosta við að flýta fyrir leik þannig að sá sem er tilbúinn leikur sitt högg, ekki endilega sá sem er fjær eða var á fæstum höggum) 

Veitt eru verðlaun fyrir besta skorið án forgjafar í hverjum flokki og fyrir þrjú efstu sætin í punktakeppninni. Ef kylfingar eru jafnir gilda seinni 9, síðan seinustu 6, loks seinustu 3 og svo 1. Ef enn er jafnt skal varpa hlutkesti.

Veitt verða verðlaun fyrir þrjú efstu sætin í hverjum flokki með og án forgjafar í heildarkeppninni (3 af 6 bestu mótum telja). Ef tveir kylfingar eru jafnir í sæti í heildarkeppninni, telur 4. hringurinn. Ef enn jafnt telur 5. og loks 6. hringurinnEf enn er jafnt skal varpa hlutkesti. 

Skráning fer fram hér á netinu og er gerð krafa um að skráningu sé lokið fyrir miðnætti tveimur dögum fyrir mót. Ræst verður út á eftirtöldum tímum: 08:00-09:00; 13:00-14:00 og 17:00-17:30. Mótsgjald er kr. 500.- á mann fyrir hvert mót og þarf að greiða það áður en leikur hefst. Allir þátttakendur fá Kristal drykk í teiggjöf, auk þess 3 æfingafötur til eigin nota.

Á haustmánuðum, að loknu síðasta mótinu, verður svo vegleg uppskeruhátið ásamt verðlaunaafhendingu.

Keppnisdagar:

14. júní – 28. júní – 12.júlí – 26. júlí – 9. ágúst- 23.ágúst

Skráning í mót - Egils Kristals mótaröð GKG

  • Skrifaðu stafina í reitinn