Formaður nýliðanefndar er Úlfar Jónsson, íþróttastjóri GKG

Nýliðanefnd GKG hefur mikinn metnað til þess að byggja upp góða kylfinga til framtíðar og hefur nefndin því útbúið kerfisbundna fræðslu fyrir nýliða sem ganga í raðir GKG sem miðar að því að hjálpa fólki með golftæknina og kynna þeim golfreglurnar sem og siðareglur. Það er von nefndarinnar að þetta verði til þess að okkar nýliðum líði vel á golfvellinum og fyrir klúbbinn skilar þetta ánægðari kylfingum, betri umgengni og leikhraða.

Nýliðastefna GKG
GKG býður upp á nýliðanámskeið á hverju vori fyrir nýja félagsmenn sem eru byrjendur. Námskeiðið er byggt upp á verklegri tækniþjálfun í grunnatriðum pútta, vippa og sveiflu. Einnig er boðið upp á reglufræðslu, sem er í höndum dómara klúbbsins. Loks er spilakennsla þar sem þjálfarar leika völlinn og útskýra golf- og siðareglur. 

Til að hjálpa nýliðum enn frekar að ná tökum á íþróttinni, þá er boðið upp á vikulega tíma frá lok maí til lok júlí. Þessi námskeið eru innifalin í námskeiðsgjaldinu (kr. 10.000 árið 2017)

Krafist er af nýliðum klúbbsins, sem og eldri félögum, að þeir gangi vel um völlinn og að þeir hafi grunnþekkingu á reglum. 

Undantekningar frá þátttöku í nýliðanámskeiðum.

  • Nýjir meðlimir sem koma frá öðrum klúbbum með skráða forgjöf
  • Börn og unglingar sem sækja námskeið/æfingar hjá klúbbnum.
  • Kylfingar sem ekki hafa verið í golfklúbbi í x-tíma en hafa einhvern tíma spilað með forgjöf og eru að byrja aftur

Í valmyndinni efst er síðan að finna allt sem viðkemur nýliðum í klúbbnum, svo sem upplýsingar um skráningu, námskeið, kennslu og fleira.