Hjónin Gunnar Páll Þórisson, stjórnarmaður í GKG, og Svanhvít kona hans, hafa gefið GKG um 300 stæðilegar trjáplöntur sem þau gróðursettu sjálf með aðstoð barna sinna. Trén eru við 3ju flöt og vinstra megin á fjórðu braut í Mýrinni á milli brautarinnar og æfingasvæðisins. Þetta eru tröllavíðir, birki og reynitré, sem þau hafa ræktað við sumarbústað sinn undanfarin ár.
Þetta er ekki í fyrsta skipti sem félagar í GKG koma færandi hendi með trjáplöntur. Er þess til dæmis skemmst オンライン カジノ að minnast að Eðvald Geirsson færði klúbbnum á seinasta ári ca. 400 plöntur, sem hann gróðursetti sjálfur.
Færi vel á því að þetta yrði öðrum félögum GKG til eftirbreytni, því enn eru fjölmörg svæði innan vallarmarkanna sem bíða eftir fallegum trjágróðri. Margir félagar í GKG kynnu að eiga fallegar trjáplöntur við hús sín eða sumarbústaði þar sem farið er að þrengja að þeim. Væri ekki upplagt að koma þeim fyrir á golfvellinum og njóta þeirra þar um langa framtíð?
Á myndinni má sjá þau Gunnar Pál og Svanhvíti líta aðeins upp eftir að hafa komið plöntunum fyrir. Trjáræktarnefnd GKG færir þeim þakkir fyrir þessa myndarlegu gjöf sem mun prýða völlinn um ókomin ár.
