Meistaramót GKG fer fram dagana 7. til 13. júlí 2019.

Fyrirkomulag: Mótið er flokkaskipt innanfélagsmót. Leikinn er höggleikur í öllum flokkum nema í  3. og 4. flokki kvenna ásamt 4. og 5. flokki karla. Þar er leikin punktakeppni með fullri forgjöf. Í öldungaflokki 50 ára og eldri er keppt í höggleik án forgjafar annars vegar og punktakeppni með forgjöf hins vegar. Veitt eru verðlaun fyrir efstu þrjú sætin í báðum keppnum. Í öldungaflokki 65 ára og eldri er höggleikurinn með forgjöf þó þannig að ekki eru slegin eða skráð fleiri högg en 10 á holu. Í flokknum eru jafnframt veitt verðlaun í 1. sæti fyrir höggleik án forgjafar.

Börn og unglingar yngri en 17 ára (fædd 2003 eða yngri) hafa ekki leikheimild í fullorðinsflokkum nema þeir sem hafa þátttökurétt í meistaraflokki. Þátttökuréttur í meistaraflokki er sá sami og í Stigamótaröð GSÍ, þ.e. hámark 5,5 hjá körlum og 8,5 hjá konum.

Mótstjórn skipa:

Agnar Már Jónsson, Jón K. Baldursson, Bergsveinn Þórarinsson, Yngvi Sigurjónsson og Úlfar Jónsson.

ATH: Mótsstjórn áskilur sér rétt til að loka skráningu í einstaka flokka ef fjöldi þátttakanda verður með þeim hætti að ekki sé hægt að koma þeim innan tímamarka. Jafnframt áskilur mótsstjórn sér rétt til að sameina eða leggja niður flokka ef skráning er dræm.

Bílar eru ekki leyfðir í almennum flokkum án heimildar mótsstjórnar.

Bílar eru heimilaðir í öldungaflokkum.

Skráning fer fram á golf.is en greiða þarf mótsgjaldið við skráningu. Einnig er hægt að ganga frá skráningu í Golfverslun GKG bæði með símgreiðslu og með að greiða á staðnum.

Kylfingar 14 ára og yngri skrá sig á sér mót í mótaskránni:

Meistaramót GKG 2019 13-14 ára

Meistaramót GKG 2019 12 ára og yngri

Ath. ekki er búið að uppfæra neðangreinda hlekki fyrir árið 2019

Áætlaðir rástímar 2019

Dagskrá og flokkar

Keppnisskilmálar

Staðarreglur