Fyrirtækjaþjónusta GKG

Fyrirtæki skipa mikilvægan sess í íþróttastarfinu hjá okkur í GKG. Annars vegar styrkja þau starfið okkar með myndarlegum hætti og hins vegar kaupa þau ýmsa þjónustu af okkur.

Við hjá GKG getum sett upp allskyns þjónustupakka fyrir fyritæki sérsniðna að þörfum hvers og eins. Með ýmiss konar samblöndu af veitingasölu, inniaðstöðu, útiaðstöðu og golfiðkun getum við auðveldað fyrirtækjum að halda stefnumótunardaga eða önnur fundarhöld auk þess sem við erum sérfræðingar í ýmiss konar viðburðum sem miða að því að fyrirtæki eigi gæða stund með sínum viðskiptavinum.

  • Glæsilega fundaraðstöðu (2 til 30 manna)
  • Margvíslega möguleika á að brjóta fundina upp með útiveru eða golfleikjum
  • Fyrir kl. 17:00 getum við sett upp golfmót í golfhermum GKG, sérsniðin að þörfum fyrirtækja
  • Á sumrin höldum við hefðbundin fyrirtækjamót ásamt nýjung sem við köllum “mini mót”
  • Veitingastaðinn Mulligan þar sem Vignir vert og hans fólk galdrar fram ótrúlegustu kræsingar
  • Fyrir stærri fundi eða viðburði getum við leigt út salinn okkar sem tekur um 170 manns í sæti

Hér að neðan má sjá dæmi um þjónustu sem við höfum sérsniðið að þörfum ýmissa fyrirtækja

Þjónustuframboð GKG

Við hjá GKG getum boðið fyrirtækjum upp á þá nýbreytni að halda golfmót á veturna fyrir lykilviðskiptavini og/eða starfsfólk.

Dæmi um umgjörð.

  • Byrjað á hádegismat í fundarherbergjum GKG. Starfsfólk GKG fer yfir keppnisskilmála og leikreglur
  • Leiknar eru 9 eða 18 holur á einhverjum af flottustu golfvöllum heims
  • Hægt er að bjóða upp á veitingar á meðan leikið er
  • Eftir golfmótið er hægt að bjóða upp á lúxuskvöldverð eða hammara í veitingasal GKG
  • Starfsfólk GKG tekur saman niðurstöður og kynnir úrslit mótsinsHafið samband við stafsfólk GKG til að afla nánari upplýsinga í síma 570 7373 eða sendið tölvupóst á gkg@gkg.is

GKG mun aðstoða fyrirtæki við að setja upp glæsilega umgjörð utan um „mini-mót“ á Leirdalsvelli. Skorkort eru forprentuð. Veitingabíll verður innan seilingar. Hægt er að byrja mótið með stuttum fyrirlestri um t.d. leikskipulag í fundarherbergjum GKG og skála fyrir góðu móti. Starfsmenn GKG ræsa í framhaldi hollin út á hefðbundinn máta. Eftir mótið sér starfsfólk GKG um að skrá skor keppenda og búa til stöðutöflu. Hægt er að setja upp allskyns leiki, meðal annars keppni á milli holla og yrði skor skráð á rauntíma, þannig er hægt að fylgjast með stöðunni allar 18 holurnar. Í mini móti getur fjöldi holla verið frá þremur og upp í fimm.

Hafið samband við stafsfólk GKG til að afla nánari upplýsinga í síma 570 7373 eða sendið tölvupóst á gkg@gkg.is

Hjá GKG er einstakt umhverfi til að halda ýmsa fundi eins og til dæmis stefnumótunardag eða eflingu liðsheildarinnar. Fundarherbergin taka allt upp í 30 manns og stóri salurinn tekur 170 manns í sæti. Til að brjóta upp vinnudagana getum við boðið upp á ýmsa afþreyingu á neðri hæðinni okkar þar sem við erum með 9 golfherma og 12 holu púttvöll. PGA kennarar okkar geta sett upp alls kyns leiki, ekki er þörf á því að þátttakendur hafi áður reynt fyrir sér í golfi. Þá er umhverfi golfskálans einstakt og tilvalið til að brjóta upp daginn með útiveru.

Hafið samband við stafsfólk GKG til að afla nánari upplýsinga í síma 570 7373 eða sendið tölvupóst á gkg@gkg.is