Helgarmótaröð GKG í boði FootJoy

Mótaröðin er innanfélagsmótaröð.

Ekkert gjald er fyrir þátttöku í mótinu, þú einfaldlega bókar og greiðir fyrir notkun á herminum. Aðeins er hægt að leika í hermum GKG í Íþróttamiðstöðinni og Kórnum.

Hægt verður að taka þátt á föstudegi til sunnudags og fer fyrsta mótið fram helgina 30. janúar-1. febrúar og það seinasta helgina 20.-22. mars.

Ekki er nauðsynlegt að skrá sig, mótið verður til taks í TrackMan Tournaments flipanum sem valinn er í herminum sem leikið er í.

Mótaröðin er stigamótaröð

Alls verða 8 mót og gilda 4 bestu mótin í heildarkeppninni.

Keppendur safna stigum eftir árangri í punktakeppninni í hverju móti. 100 stig eru fyrir efsta sæti og síðan dreifast stig eftir fjölda keppenda hverju sinni. 

Verðlaun

Glæsileg verðlaun í boði frá FJ (FootJoy) fyrir 3 efstu sætin í karla- og kvennaflokki í heildarkeppninni.

Nándarverðlaun á tveimur par holum í hverju móti.

Keppnisskilmálar 

Leikin er punktakeppni með TrackMan forgjöf. Nauðsynlegt er að hafa löglega Trackman forgjöf. Hún er fengin með því að hafa lágmark þrjá hringi skráða til forgjafar í Trackman kerfinu.

Keppt er í karla- og kvennaflokki. 

Leiknar eru 9 holur í hverri umferð (seinni níu á hverjum velli). 

Fjórir bestu hringirnir telja í heildarkeppninni. Ef kylfingar eru jafnir þá gildir 5. hringurinn, svo 6. hringurinn og svo koll af kolli þangað til úrslit nást. Ef það nægir ekki ræður hlutkesti.

Stillingar: 
Flatir: Soft
Flatir stimp: 9 fet
Holustaðsetningar: Medium
Vindur: Calm
Pútt: Auto Fixed (1 pútt <3 metra, 2 pútt 3,1-20 metra, 3 pútt >20 metra)

Mulligans:
Mulligans eru leyfðir ef um tæknilega villu er að ræða, t.d. “draugahögg”. Það mun sjást á skorkortinu ef mulligan er notaður og þarf leikmaður að senda skriflega skýringu til ulfar@gkg.is.

Heildarverðlaun í karla- og kvennaflokki:

1. GKG merkt FJ peysa og bolur
2. GKG merkt FJ peysa
3. GKG merktur FJ bolur

Heildarverðlaun fyrir besta skor í höggleik án forgjafar karla og kvenna:

1. FJ skópoki, kuldahúfa og sokkapör

Nándarverðlaun á tveimur brautum í hverju móti:
60 mínútur í Trackman hermi GKG