Ekkert gjald er fyrir þátttöku í mótinu, þú einfaldlega bókar og greiðir fyrir notkun á herminum. Aðeins er hægt að leika í hermum GKG í Íþróttamiðstöðinni og Kórnum.

Hægt verður að taka þátt á mánudegi til fimmtudags og fer fyrsta mótið fram 2.-5. febrúar og það seinasta 31.-3. apríl.

Um er að ræða 18 holu mót í punktakeppni.

Alls verða 8 mót og gilda 4 bestu mótin í heildarkeppninni. 

Veitt eru verðlaun fyrir besta punktaskorið í hverju móti.

Veitt eru verðlaun fyrir besta heildarárangur í einum flokki og gilda 4 bestu stigaskorin þar sem keppendur safna stigum eftir árangri.

Nándarverðlaun á tveimur par holum í hverju móti.

Ekki er nauðsynlegt að skrá sig, mótið verður til taks í TrackMan Tournaments flipanum sem valinn er í herminum sem leikið er í.

Keppnisskilmálar 

Leikfyrirkomulag:

• Leiknar eru 18 holur í punktakeppni með forgjöf.
• Keppt er í einum opnum flokki.
• Til að keppa til verðlauna þarf keppandi af hafa löglega forgjöf með lágmark þremur hringjum til forgjafar í Trackman.

Mótaröðin er stigamótaröð

Alls verða 8 mót og gilda 4 bestu mótin í heildarkeppninni.

Keppendur safna stigum eftir árangri í punktakeppninni í hverju móti. 100 stig eru fyrir efsta sæti og síðan dreifast stig eftir fjölda keppenda hverju sinni. 

Verðlaun í hverju móti:

• 5×30 mínútna kort í GKG hermi eru veitt þeim kylfingi með besta skorið í hverri umferð.
  • Ef kylfingar eru jafnir gilda, seinustu 9, seinustu 6, seinustu 3 og loks seinasta holan. Ef enn er jafnt er varpað hlutkesti.
• 60 mín kort í GKG hermi er veitt fyrir næst holu á tveimur par 3 holum í hverri umferð.

Verðlaun fyrir heildarkeppni þar sem 4 bestu skor telja:

• 1. sæti: 5×30 mínútna kort í GKG hermi eru veitt stigameistara mótsins.
• 2. sæti: 2×60 mínútna kort í GKG hermi
• 3. sæti: 60 mínútna kort í GKG hermi

Stillingar í hverri umferð:                                           
Greens: Medium                                           
Greens stimp: 9 fet                                       
Pins: Medium                                          
Wind: Calm                                       
Pútt: Auto Fixed (1 pútt <3 metra, 2 pútt 3,1-20 metra, 3 pútt >20 metra)        

Mulligans:

Mulligans eru leyfðir ef um tæknilega villu er að ræða, t.d. “draugahögg”. Það mun sjást á skorkortinu ef mulligan er notaður og þarf leikmaður að senda skriflega skýringu til ulfar@gkg.is.    

Lögleg Trackman forgjöf:

Leikin er punktakeppni með TrackMan forgjöf. Nauðsynlegt er að hafa löglega Trackman forgjöf. Hún er fengin með því að hafa lágmark þrjá hringi skráða til forgjafar í Trackman kerfinu.

Verðlaun fyrir besta punktaskor í hverju móti:

5 skipta klippikort í golfherma GKG

Heildarverðlaun fyrir samanlagðan árangur bestu hringja:

1. sæti: 5×30 mínútna kort í GKG hermi eru veitt stigameistara mótsins.

2. sæti: 2×60 mínútna kort í GKG hermi

3. sæti: 60 mínútna kort í GKG hermi

Nándarverðlaun á tveimur brautum í hverju móti:
60 mínútur í Trackman hermi GKG