Birgir Leifur lék stöðugt golf í morgun þegar hann lauk leik á einu höggi yfir pari á 72 höggum. Hann fékk einn fugl, tvo skolla og fimmtán pör á hringnum í dag.
Birgir Leifur er jafn í 42. sæti ásamt nokkrum kylfingum. Það lítur út fyrir að skorið verði niður við +2 högg yfir pari en Birgir Leifur er samtals á +1 höggi yfir pari eftir tvo fyrstu keppnisdagana.
Glæsilegur árangur hjá okkar manni og mjög gott fyrir hann að ná settu marki sem er að ná niðurskurði. Nú taka ný markmið við og stefnan sett upp á við. Ekki eru komnir rástímar fyrir laugardaginn þar sem þó nokkrir eiga eftir að ljúka leik í dag.
Sjónvarpsstöðin SÝN sýnir valda kafla frá mótinu klukkan 6:00 á sunnudagsmorgun fram til 9:00 en síðan hefst bein útsending klukkan 10:40 sem stendur fram til 13:00 á sunnudaginn.