Í dag, laugardaginn 7. júní, fór fram hið árlega Rás2 Open á Leirdalsvellinum. Mótið er fyrir löngu orðið árlegur viðburður hjá GKG og er án efa eitt allra stærsta opna mót sumarsins, bæði hvað varðar fjölda þátttakenda og gæði verðlauna.

Það verður seint sagt að veðrið hafi leikið við kylfinga í dag, en allan daginn var mjög hvasst og mikil bleyta, og setti það sinn svip á mótið. Þrátt fyrir veðurskilyrðin var frábær mæting, en um 200 manns mættu og börðust hetjulega við veðrið. Úrslit er að finna hér að neðan.

Verðlaunaathöfnin var vel sótt en veitt voru verðlaun fyrir fimm efstu sætin, auk verðlauna fyrir 49. , 70. og næstsíðasta sæti. Veitt voru nándarverðlaun á öllum par 3 og verðlaun fyrir lengsta upphafshögg á tveimur holum. Síðan var gífurlegt magn verðlauna sem gengu út með útdrætti á skorkortum. Þeir sem unnu til verðlauna (önnur en með útdrætti) en gátu ekki vitjað þeirra í kvöld geta nálgast þau í ProShop GKG frá og með morgundeginum.

GKG og Rás2 vill þakka öllum þátttakendum kærlega fyrir daginn og hlökkum við til að sjá ykkur að ári!

Smellið hér til að sjá úrslit mótsins

Smellið á „Lesa Meira“ til að sjá nándarverðlaunahafa og þá er áttu lengstu upphafshögg.

Í dag hefur Rás2 verið á fullum gangi og hefur mæting verið frábær, en rúmlega 200 kylfingar hafa barist við golfið og aðallega veðrið í allan dag.

Síðustu holl eru að tínast inn og verður glæsileg verðlaunaathöfn klukkan 21:30. Dregið verður úr skorkortum og því til mikils að vinna að […]

Lokið er hellulögn á æfingasvæði GKG en eitthvað hafa nýju motturnar tafist í sendingu. Því er búið að ákveða að opna æfingasvæðið til bráðabirgða yfir helgina og jafnvel eitthvað fram í næstu viku, en búist er við að formleg opnun verði svo fyrir næstu helgi.

Beðist er afsökunar á töfunum og […]

Heimsókn GKGkvenna til GOkvenna þriðjudaginn 10. júní n.k. og heimsókn GOkvenna til GKGkvenna þriðjudaginn 24. júní n.k.

Um er að ræða tveggja daga vinkvennakeppni milli golfklúbbanna. Sá klúbbur sem fær flesta samanlagða punkta þessa tvo daga vinnur og verður miðað við 10 punktahæstu konur hvorn dag úr hvorum klúbbi. Hámarksforgjöf 36. Einnig verða veittar viðurkenningar til þriggja kvenna sem verða með samanlagða flesta punkta þessa tvo daga og einnig fær sú kona viðurkenningu sem verður með lægsta samanlagða skorið báða dagana.

Smellið á „Lesa Meira“:

Þriðjudaginn 3. júní 2008 var 9 holu golfmót hjá konum í GKG í Vetrarmýrinni. Í mótinu tóku þátt 49 konur og skemmtu sér vel. Af úrslitunum má ráða að konur koma vel undan vetri og bendir allt til góðs golfsumars hjá mörgum.

1. Hrefna Gunnarsdóttir, 23 punkta og fékk hún kr. […]

Nú liggur fyrir niðurröðun í hópa á æfingar hjá börnum og unglingum hjá GKG fyrir sumarið 2008 ásamt uppfærðri stundatöflu og má sjá þetta yfirlit á unglingasíðunni með því að smella hér, "Sumaræfingar 2008". Rétt um 130 krakkar eru skráðir til æfinga sem er nokkuð mikil fjölgun frá síðasta sumri […]

Afrekskylfingar GKG hafa svo sannarlega komið vel undan vetri og hafa spilað afar vel það sem af er sumri. Eins og frægt er orðið þá sigraði Ingunn Gunnarsdóttir fyrsta mót á Kaupþingsmótaröðinni á Hellu í lok maí, auk þess sem hún vann sigur í sínum flokki á fyrsta stigamóti unglinga […]

Vegna mikillar aðsóknar í Rás2 Open sem fram fer þann 6. júní næstkomandi hefur rástímum verið bætt við. Nú er ræst út frá klukkan 07:30 og fer síðasti ráshópur út klukkan 16:00. Eru nú örfá sæti laus svo hver fer að verða síðastur að skrá sig í þetta stærsta opna […]

3. júní næstkomandi stendur kvennanefndin fyir 9 holu kvennamóti á Mýrinni. Mótið er innanfélagsmót og verða veitt verðlaun fyrir góðan árangur. Mótsgjald er kr. 1.000 og greiðist við upphaf móts með peningum eða með því að leggja inn á reikning kvennanefndar 1121-05-402727, kt. 220550-3979

Skráning fer fram á golf.is, smellið […]

Frá og með mánudeginum 26. maí næstkomandi verður æfingasvæði GKG lokað vegna endurbóta sem standa fyrir dyrum. Ætlunin er helluleggja allt sláttursvæðið og hreinsa til og gera aðstöðuna snyrtilegri og betri. Í framhaldi af því verða nýjar mottur fengnar auk kúluþvottavélar sem tengist við boltavélina. Er vonin að eftir þessar […]