Lýsum haustmyrkrið upp með leiftrandi golfi 

Föstudaginn  17. september 2021  kl. 19:00 

ATH ræst er út á öllum teigum, þeir sem eru saman í ráshóp spila saman í liði. 

Stutt lýsing 

Nú er komið að ljósamótinu þar sem við skemmtum okkur saman við að lýsa upp myrkrið með sjálflýsandi boltum, fjarlægðarhælum, holum og leikmönnum. Þetta haustið spilum við tólf holur; alla Mýrina og þrjár holur á Leirdalnum. Ræst verður út í ljósakiptunum af öllum teigum í einu og leikið inn í myrkrið. Engum verður kalt því það verður heitt kakó á kantinum, aðrar veigar skaffa leikmenn sjálfir og passa upp á að vera vel upp lýstir! 

Keppnisfyrirkomulag 

Mótið er fjögurra manna Texas scramble,  punktamót með forgjöf. Veitt verða verðlaun fyrir þau lið sem verða í tveimur efstu sætunum auk þess sem veitt verða verðlaun fyrir þá sem verða næstir holu í upphafshöggum á par 3 holum. 

Verði tvö lið jöfn í sæti, þá gilda síðustu 6 holurnar, þá 3 og 1. Séu liðin ennþá  jöfn skal varpa hlutkesti. 

Ræst verður út á öllum teigum samtímis kl. 19:00 stundvíslega. Mótið er 12 holur, það er öll Mýrin auk 1. 17. og 18. hola á Leirdal. Hringurinn er þannig að eftir 9. holu á Mýrinni er 1. hola á Leirdal leikin, þá 17. og 18. Eftir 18. holu er 1. hola á Mýrinni leikin. 

Skráning fer fram á golfbox.golf. Ekki þarf að safna saman í fjögurra manna holl heldur er nóg að skrá sig á rástíma. Þeir sem eru saman á rástíma spila saman í liði (ath. að ræst er út á öllum teigum, rástímar í skráningaglugga gilda því ekki). 

Verðlaunalisti

Sigurliðið fær bikar og hver liðsmaður gjafabréf í verslun GKG að upphæð kr. 7.500 hver auk glaðnings frá Ölgerðinni. 

Liðmenn liðsins sem lendir í öðru sæti fá gjafabréf í verslun GKG að upphæð kr. 5.000 hver auk glaðnings frá Ölgerðinni.

Nándarverðlaun verða á öllum par þrjú holum.

Nándarverðlaun í boði  

  • Hola 2, Mýrin – Volvik Regnhlíf 
  • Hola 4, Mýrin – Volvik vatnsheildur poki 
  • Hola 9 Mýrin – Callaway Chevdry kerrupoki  
  • Holla 17 Leirdalur – 40.000 gjafabréf Icewear 

Verð er kr. 4.900.  Innifalið í mótsgjaldi er tveir sjálflýsandi boltar og heitt kakó út á velli. Hægt verður að kaupa fleiri sjálflýsandi bolta.