Nú styttist í veisluna okkar, stærsta viðburð í mótahaldi GKG hvert ár. Meistaramótið er framundan og verður haldið með pompi og prakt dagana 3. til 9. júlí, skráningu á GolfBox lýkur miðvikudaginn 30. júní.

  • Skráning í Mfl, 1., 2. 3., 4., 5., 15-16 ára, 50+ og 65+ er hér
  • Skráning í 70+ á Mýrinni (7., 8. og 9. júlí) er hér  
  • Skráning háforgjafarflokk, 40,1 til 56, Mýrinni er (7., 8. og 9. júlí)  hér
  • Skráning í 14 ára og yngri og 12 ára og yngri á Mýrinni (3.-5. júlí) er hér

Þriðjudaginn 5. júli. verður lokahóf fyrir 16 ára og yngri. Boðið verður upp á Pizzur og meðí auk þess sem dregið verður úr skorkortum keppenda með lukkuhjólinu sívinsæla.

Fyrir aðra flokka verðum við  með glæsilegt lokahóf og verðlaunaafhendingu laugardagskvöldið 9. júlí. Hægt að kaupa miða á lokahófið samhliða því að maður skráir sig í mótið. Ath. að upplagið er takmarkað, fyrstir koma fyrstir fá!

Það verður mikið lagt upp úr því að gera Meistaramótið eins glæsilegt og frekast er unnt. Veitt verða nándarverðlaun á hverjum degi á annarri og sautjándu holu, jafnframt verða nándarverðlaun fyrir þann sem er næstur holu í tveimur höggum á átjándu. Í barna- og unglingaflokkum 14 ára og yngri verða nándarverðlaun á 9. holu.

Þau í Mulligan verða með allskyns góðgæti á boðstólum. Mótsstjórn hefur verið í góðu sambandi við veðurguðina og er að landa samningi um hið besta veður 
Allar nánari upplýsingar má finna á eftirfarandi slóðum:

Upplýsingar um:

  • Áætlaðir rástímar 2022
  • Dagskrá og flokkar
  • Keppnisskilmálar
  • Staðarreglur

Má finna á heimasíðunni okkar með því að smella hér.

Birt með fyrirvara um breytingar.

Mótsstjórn