Mynd: Kylfingur.is
Birgir Leifur Hafþórsson tryggði sér Íslandsmeistaratitilinn í fjórða sinn í gær á Kiðjabergsvelli í Grímsnesi. Birgir Leifur lék frábært golf alla keppnisdagana og endaði mótið samtals á parinu, þremur höggum á undan næsta manni, Kristjáni Þór Einarssyni úr Kili Mosfellsbæ. Sigmundur Einar Másson varð í þriðja sæti, fimm höggum á eftir Birgi Leifi. Árangur GKG manna er einstaklega glæsilegur í þessu móti, og voru fjórir kylfingar meðal tíu efstu, en Alfreð Kristinsson endaði í 7. sæti og Guðjón Henning Hilmarsson í 9. sæti.
Í kvennaflokki varð Tinna Jóhannsdóttir hlutskörpust og landaði Íslandsmeistaratitlinum í fyrsta sinn. Hún lauk keppni á 22 yfir, tveimur höggum á undan Ólafíu Þórunni Kristinsdóttur. Í þriðja sæti var Signý Arnórsdóttir. Ingunn Gunnarsdóttir náði besta árangri GKG kvenna og hafnaði í 10. sæti.
Eftirfarandi eru úrslit efstu kylfinga í karla- og kvennaflokki: