Svalamótaröð GKG er nú lokið og fór verðlaunaafhending fram á lokahófinu okkar síðastliðinn þriðjudag. Allir sem höfðu tekið þátt í einhverju móti fengu viðurkenningu og efstu 3 sætin í hverjum flokki fengu bikara til staðfestingar á frábærum árangri. Unglinganefndin vill koma á framfæri kæru þakklæti til allra þátttakenda, foreldra þeirra sem og höfðinglegs styrktaraðila okkar, Vífilfells. Viðtökur og jákvæðni bæði keppenda sem og foreldra við þessari mótaröð hvetja okkur til þess að halda áfram á þessari braut í framtíðinni.

Lokastaðan var sem hér segir:

Síðastliðinni þriðjudag, 16.september, var haldið lokahóf barna- og unglingastarfs GKG fyrir sumarið 2008. Þar voru veitt verðlaun fyrir árangur sumarins og fyrir mótaraðirnar okkar auk þess sem boðið var upp á pizzu.

Það voru þau Ingunn Gunnarsdóttir og Guðjón Ingi Kristjánsson sem fengu verðlaunin fyrir framúrskarandi árangur að þessu sinni. Ingunn átti frábært tímabil þar sem hún náði m.a. að sigra á fyrsta stigamóti fullorðinna á Hellu í vor. Hún sigraði síðan í 3 stigamótum unglinga, varð íslandsmeistari í sveitakeppni unglinga og varð einnig klúbbmeistari kvenna GKG. Guðjón Ingi varð í öðru sæti í íslandsmóti unglinga í höggleik og spilaði þar fyrsta hringinn á 68 höggum. Hann varð síðan í 2.sæti í sveitakeppni unglinga, varð klúbbmeistari GKG og lækkaði forgjöf sína úr 4.0 í 2.5.

Hér að neðan er svo nánara yfirlit yfir alla þá sem fengu verðlaun fyrir árangur sinn í sumar.

Nú liggur fyrir skipulag vetraæfinga hjá börnum og unglingum GKG veturinn 2008-2009 og má skoða æfingatöfluna í heild á heimasíðunni hér.
Æfingagjöld verða innheimt í vetur líkt og síðastliðinn vetur. Gjaldið er kr. 22.000.- fyrir þá sem æfa tvisvar í viku og 33.000.- fyrir þá sem æfa þrisvar […]