Guðmundur Oddsson formaður GKG gerði sér lítið fyrir nú á dögunum og sló draumahöggið þegar hann fór fjórðu brautina í Leirdalnum á holu í höggi. Fyrr um daginn hafði hann dregið fram golfbolta og derhúfu sem hann fékk í gjöf frá afabarni sínu og nafna. Bæði boltinn og húfan eru kyrfilega merkt liði þeirra í enska boltanum. Óneitanlega kryddar sú staðreynd viðburðinn og blasti Chelsea merkið við formanninum þegar hann teigði sig eftir boltanum. Óskum við Guðmundi innilega til hamingju með draumahöggið!
