GKG sendi nú um helgina tvær sveitir í sveitakeppni GSÍ. Karlasveitin lék Leiruna og kvennasveitin lék Garðavöll. Þrátt fyrir erfitt veður tókst okkar kylfingum að sýna sínar bestu hliðar á golfvellinum. Karlasveitin vann alla sína leiki og varð Íslandsmeistari eftir sigur í úrslitaleik gegn sveit Golfklúbbs Setbergs. Kvennasveitin tryggði sér þriðja sætið með sigri á Nesklúbbnum.
Óskum við báðum sveitum innilega til hamingju með þennan glæsilega árangur.
Nánari upplýsingar um úrslit leikja og lokastöðu mótsins má nálgast hér.