Á laugardag fór fram lokahnykkurinn í keppnishaldi GKG. Hefð er komin fyrir því að leika til úrslita í Liðakeppninni og Holukeppninni og halda innanfélagsmót, “Lokamótið“ sama dag. Forgangsrétt í Lokamótinu höfðu þau sem tekið höfðu þátt í Liða- og/eða Holukeppninni í sumar. Einnig voru veitt verðlaun fyrir besta árangurinn í VITA mánudagmótaröðinni sem fer fram allt sumarið.
Sigurvegarar í Liðakeppni GKG er Jimenez liðið en þeir lögðu Olsen bandið 2-1 í úrslitaviðureigninni þar sem leikinn er einn fjórleikur og tveir tvímenningar, líkt og í öllum leikjum sumarsins. Jimenez sigruðu einnig í fyrra og gæta því bikarsins eitt ár til viðbótar.
Í keppninni um bronsið sigruðu RainX eftir góða rimmu við dómarana í Referenderius.
Í sigurliði Jimenes Group voru: Daði Hannesson, Davíð Stefán Guðmundsson , Elmar Þorbergsson, Jón Sigurðsson, Njörður Árnason, Pálmi Jónsson, Pálmi Þór Gunnarsson, Ragnar Þórður Jónasson
Lið Ólsen bandsins skipuðu: Eggert Ólafsson, Brynjar Sverrisson, Eysteinn Marvinsson, Magnús Jónsson, Ólafur Eggert Guðmundsson, Óli Halldór Sigurjónsson, Sigurþór Skúli Sigurþórsson, Örn Árnason.
Hart barist á velli en allir vinir á eftir!
Sigurliðið: Davíð Stefán Guðmundsson, Ragnar Þórður Jónasson, Pálmi Þór Gunnarsson, Njörður Árnason liðsstjóri, Elmar Þorbergsson, Pálmi Jónsson og Jón Sigurðsson. Einnig í liðinu var Daði Hannesson.
Sannur íþróttaandi: Njörður liðsstjóri Jimenez kom eftir 12. braut með snittur og drykki fyrir leikmenn beggja liða í úrslitaleiknum.
Leikmenn á fyrsta teig tilbúnir í baráttuna: Ragnar Þórður, Óli H, Elmar, Sigurþór, Davíð Stefán, Örn, Pálmi Jóns og Ólafur Eggert.