Laugardaginn 6. Júlí – Ræst af öllum teigum samtímis kl. 08:45.
Kærur félagar,
Sú hefð hefur skapast að halda Niðjamót GKG laugardaginn fyrir Meistaramót.
Niðjar spila saman tveir og tveir í liði og spila eftir greensome fyrirkomulagi. Hvert lið verður að vera þannig samsett að annar leikmaður leikur með barni sínu, barnabarni eða tengdabarni. Um er að ræða innanfélagsmót, en þó er heimilt að annar leikmaður í liði sé meðlimur í öðrum golfklúbbi. Mótið er punktamót og reiknast 60% af leikforgjöf þess sem hefur lægri forgjöf og 40% af leikforgjöf þess sem hefur hærri forgjöf
Fjöldi glæsilegra verðlauna er í boði en veitt eru verðlaun fyrir þrjú efstu sætin og nándarverðlaun eru veitt þeim sem er næstur holu á öllum par 3 holum vallarins.
Skráning er hafin á golf.is og mótsgjald er kr. 8.500. fyrir hvert lið og innifalið í því er súpa og brauð. Skráning í rástíma er eingöngu til þess að raða í holl en ræst verður af öllum teigum samtímis. Mæting er upp í skála kl.08:00 og gert ráð fyrir að ræsa um kl.08:45. Bílar verða á staðnum til þess að keyra og sækja þá sem byrja á fjarlægustu holunum, bæði fyrir og eftir mót.
Með GKG kveðjum,,
Gunnar Jónsson, mótsstjóri
Úlfar Jónsson, íþróttastjóri
Agnar Már Jónsson, framkvæmdastjóri