Viljum vekja athygli á opnunartímum okkar í æfingaaðstöðu GKG, þ.e. í Kórnum og Íþróttamiðstöðinni. Sjá myndrænt neðar í póstinum.
Íþróttamiðstöðin
Húsið opnar 9:00 og lokar kl. 22:00
Æfingar barna/unglinga/afrekshópa eru frá kl 15-19 mán-fim en kl. 14-17 á föstudögum. Ekki er hægt að nota herma nr. 5-9 eða púttflötina meðan þessar æfingar eru í gangi.
Hermar nr. 1-4 (í hermaherberginu) eru í útleigu til almennra kylfinga meðan æfingar standa yfir.
Ekkert gjald er fyrir félagsmenn GKG vegna almennra æfinga í Kórnum eða Íþróttamiðstöðinni. Utanfélagsmenn eru velkomnir en greiða kr. 1.000 fyrir æfingar á púttflöt hvert skipti.
Gjald er tekið vegna leigu á golfhermum samkvæmt gjaldskrá.
Nota þarf sína eigin bolta við stutta spils æfingar í Íþróttamiðstöðinni. Nota skal hreina æfingaskó (alls ekki gaddaskó) og ganga vel frá áhöldum eftir æfingar.
Kórinn
Húsið opnar um kl. 8:00 og lokar um kl. 22:30. Ef hurð er læst inn í golfaðstöðuna þá biðjið húsvörð um að opna. Virka daga er best að koma að æfa sig fyrir kl. 15 á daginn. Eftir það eru æfingar barna og unglinga eða golfnámskeið undir handleiðslu PGA kennara GKG. Sjá nánar á myndinni hér fyrir neðan.
Kvennatímar eru á þriðjudögum í Kórnum frá kl. 17-21:30.
Upplýsingar um Trackman golfhermana er að finna hér, en til að leigja tíma til að æfa og leika á einhverjum af þeim fjölmörgu völlum sem þar eru í boði, þá er hægt að bóka rafrænt hér, eða hringja í golfverslun GKG í síma 565 7373.
Upplýsingar um námskeið sem eru í boði hverju sinni gefur Úlfar íþróttastjóri, ulfar@gkg.is eða 8629204.
Við hvetjum félagsmenn til að nýta sér okkar frábæru æfinga- og félagsaðstöðu og æfa skipulega í allan vetur og koma þannig vel undirbúnir til leiks næsta vor.
