Úrslit í móti 2 í Mix mótaröðinni

Í gær fór fram annað mótið af fimm í Mix mótaröð byrjenda. Þátttakan hefur verið frábær í fyrstu tveimur mótunum, en 50 krakkar tóku þátt í fyrsta mótinu og 57 í öðru mótinu í gær. Úrslitin eru hér fyrir neðan, og óskum við öllum verðlaunahöfum til hamingju með árangurinn, og öllum keppendum þökkum við fyrir þátttökuna og vonum að allir hafi haft gaman af og mæti í næsta mót. 

Árangurinn var mjög flottur og margir sem lækkuðu forgjöfina. Fyrir hvern punkt umfram 18 þá lækkar forgjöfin um 0,5.

Vinningar voru eftirfarandi:

1.       sæti: 1 bíómiði frá Laugarásbíó og 7 æfingafötur

2.       sæti: 1 bíómiði frá Laugarásbíó og 5 æfingafötur

3.       sæti: 1 bíómiði frá Laugarásbíó og 3 æfingafötur

Allir fengu 2 æfingafötur í þátttökuverðlaun og Floridana frá Ölgerðinni.

Vinningshafar geta vitjað vinninga sinna í golfverslun GKG.

Næsta mót fer fram 27. júlí og lokar alltaf fyrir skráningu á hádegi daginn fyrir mót. Viljum samt hvetja alla til að skrá sig vel tímanlega svo hægt sé að bregðast við og bæta við rástímum ef þarf. Vegna mikillar aðsóknar þá munum við byrja að ræsa út kl. 13 í næsta móti. Skráning í mótin er hér.