Golfleikjanámskeið GKG eru frábær leið til að kynna golfíþróttina fyrir 6-12 ára börnum, barnabörnum, frændum og frænkum.
Farið er í helstu þætti golfleiksins, allt frá púttum til upphafshögga og eru leiðbeiningar gjarnan í formi golfleikja ýmiss konar. Forgangsatriði námskeiðanna eru að þau séu skemmtileg, að börnin njóti sín og að þróa jákvætt viðhorf til golfíþróttarinnar. Nánari lýsingu og upplýsingar má lesa hér.
Hér eru dagsetningar fyrir námskeiðin í sumar.
8.-12. júní 5 dagar, eftir hádegi
15.-19. júní – 4 dagar, fyrir og eftir hádegi
29.-3. júlí – 5 dagar, fyrir og eftir hádegi
5.-11. júlí – engin námskeið vegna Meistaramóts GKG
13.-17. júlí – 5 dagar, fyrir og eftir hádegi
20.–24. júlí – 5 dagar, fyrir og eftir hádegi
27.–31. júlí – 5 dagar, fyrir og eftir hádegi
4.-7. ágúst – 4 dagar, fyrir og eftir hádegi
10.-14. ágúst – 5 dagar, fyrir og eftir hádegi
Skráning á námskeiðin er í gegnum vefsíðuna gkg.felog.is þar sem skrá þarf sig inn með rafrænum skilríkjum.
Einungis forráðamaður barns getur skráð barnið sitt en afar og ömmur geta skráð barnabörn ef foreldrar fara fyrst inn í kerfið og skrá viðkomandi afa/ömmu sem forráðamann.
Ef eitthvað er óskýrt þá er hægt að senda póst á ulfar@gkg.is og fá aðstoð.
Öll börn sem skráð eru á golfleikjanámskeið hjá GKG fá takmarkaða félagsaðild hjá GKG. Ef tekið er þátt í tveimur námskeiðum býðst barninu að koma inn á félagsæfingarnar, sé það fætt 2012 eða eldra.
Verð fyrir 5 daga námskeið er 14.500 kr.
Verð fyrir 4 daga námskeið er 11.600 kr.
* Veittur er 20% systkinaafsláttur og einnig er 20% afsláttur á 2. námskeiði sem skráð er á.
* Ath afsláttarkjör virka ekki ofan önnur afsláttarkjör, þannig að lágmarksgjald á 4 daga námskeið er 9.280 og 11.600 á 5 daga námskeið.
Hægt er að velja um námskeiðstíma 9-12 og 13-16 (aðeins 13-16 á fyrsta námskeiðinu)
Hlökkum til að sjá sem flesta krakka koma á námskeið í sumar!
