Nú liggur fyrir skipulag vetraæfinga hjá börnum og unglingum GKG veturinn 2007-2008. Öllum félagsmönnum fæddum á árunum ´90-´00 býðst nú að æfa 2 í viku inni og að auki verða æfingar í Keili fyrir flesta hópana. Krökkum fæddum 2001 og síðar býðst síðan að æfa einu sinni í viku í […]
Unglinganefnd GKG stendur fyrir páskabingói laugardaginn 15. mars kl. 14.00 í golfskála GKG. Þessi viðburður er skipulagður sem partur af almennu félagsstarfi okkar en jafnframt er þetta liður í söfnun afreksunglinganna sem eru að fara til Costa Ballena þann 23.mars […]
Fríður hópur efnilegustu kylfinga klúbbsins hélt í 10 daga ferð til Costa Ballena á Spáni á Páskadag s.l. Alls voru um að ræða 8 pilta og 8 stúlkur úr röðum afrekshóp unglinga. Þeir piltar sem fóru voru Ari Magnússon, Bjarki Þór Júlíusson, Guðbjartur Örn Gunnarsson, Guðjón Ingi Kristjánsson, Gunnar Snær Gunnarsson, Jón Sævar Brynjólfsson, Ragnar Már Garðarsson og Starkaður Sigurðarson. Stúlknahóp skipuðu Björk Sigurjónsdóttir, Erna Valdís Ívarsdóttir, Ingunn Gunnarsdóttir, Hrafnhildur Gunnarsdóttir, Jóna Þórarinsdóttir, Lovísa Sigurjónsdóttir, Ninna Þórarinsdóttir og Selma Dögg Kristjánsdóttir. Einnig voru með í för og æfðu samkvæmt æfingaskipulagi tveir úr afrekshópi karla, þeir Gestur Gunnarsson og Hlynur Stefánsson. Krakkarnir söfnuðu fyrir ferðinni með sölu á ýmsum varningi auk dósasöfnunar og var útlagður kostnaður klúbbsins enginn.
Þriðja árið í röð fóru afreksunglingar í GKG í æfingaferð til útlanda, nú dagana 23. mars til 1. apríl. Má því fara að tala um árvissa ferð, en ferðin fyrir tveimur árum var fyrsta ferð afreksunglinganna utan. Sem nærri má geta er þetta frábær viðbót við afreksstarf unglinganna og þeim mikil hvatning.
Unglingahópurinn var skipaður 16 krökkum, 8 af hvoru kyni á 13. til 18. ári. Þá voru með tveir kylfingar úr afrekshópi karla, þótt hvorugur teljist við aldur. Kylfingunum til halds og trausts voru síðan þjálfarar klúbbsins Derrick Moore og Haraldur Þórðarson undir öruggri forystu íþróttastjórans Úlfars Jónssonar.
Frá fyrstu ferð var sú stefna tekin að bjóða aðstandendur kylfinganna velkomna með, undir því fororði að þau skiptu sér ekki minnsta grand af golfiðkan krakkanna. Þetta hefur lánast afar vel. Aðstandendur í þessari ferð voru liðlega 20.
Næstkomandi miðvikudagskvöld, 18.júní, verður haldinn fundur fyrir alla sem eru að æfa á vegum unglinganefndarinnar og foreldrum/forráðamönnum þeirra. Fundurinn er haldinn í skála GKG og hefst kl.20:30. Þar verður farið yfir skipulag og áherslur í kennslunni og jafnframt er þetta tækifæri fyrir alla til þess að spyrja bæði þjálfara og […]
Hið árlega niðjamót GKG fer fram laugardaginn 5.júlí. Þetta er stærsti viðburðurinn í fjölbreyttu fjáröflunarstarfi afreksunglinga klúbbsins og hvetjum við því mömmur og pabba, ömmur og afa til þess að mæta með niðjum sínum og eiga góða stund saman við skemmtilegan leik og spennandi keppni. Smellið hér til þess að skrá í mótið á golf.is.
Smellið á "Nánar..." til þess að skoða auglýsingu um mótið.
Í dag fór fram fjórða og síðasta mótið á Svalamótaröð GKG 2008 og áttust þar við 6 stúlkur og 16 drengir á aldrinum 6-12 ára. Keppt var í tveimur aldursflokkum fyrir bæði stráka og stelpur, 9 ára og yngri og 10-12 ára og má sjá efstu 3 sætin í hverjum flokki hér að neðan. Heildarúrslit má síðan sjá með því að smella á "Nánar ..." hér að neðan.
Styrktaraðilar okkar veita vegleg verðlaun fyrir 3 efstu sætin í hverjum flokki í hverju móti auk þess sem allir fá Svala í teiggjöf. Sigurvegar geta vitjað vinninga sinna í afgreiðslu ProShop á opnunartíma klúbbsins frá og með fimmtudeginum 14.ágúst. Tilkynning um dagsetningu lokahófsins verður svo send út innan tíðar.
Sveitakeppni unglinga 17-18 ára var háð um helgina á Korpúlfsstaðavelli og náði stúlknasveit GKG þar þeim frábæra árangri að landa fyrsta Íslandsmeistaratitlinum á þessu ári fyrir hönd GKG. Það voru aðeins fjögur lið í þessum flokki og því kepptu allir við alla og sigraðir GKG […]
Nú eru flestir skólar landsins að hefja starfssemi sína og með því lýkur hinum reglulegu sumaræfingum unglinga- og afrekshópa GKG - síðustu æfingarnar verða næstkomandi föstudag 22. ágúst.
Eins og alltaf þá taka við haustæfingar sem standa frá og með næsta mánudegi 25. ágúst til 18. september.
Tafla yfir æfingarnar er hér fyrir neðan:
Uppskeruhátíð barna og unglinga GKG verður haldin þann 16.september kl.18:00-20:00 í golfskálanum okkar. Boðið verður uppá pizzuveislu um leið og veitt verða verðlaun þeim einstaklingum sem þótt hafa skarað framúr á þessu tímabili og einnig fyrir Hole In One og Svalamótaraðirnar. Frí er […]