Rétt til þátttöku með æfingahópi 50+ kvenna og þátttöku í viðmiðunarmótum hafa allir kvenkylfingar sem verða 50 ára á árinu 2019 eða eru eldri og hafa 20 í forgjöf eða lægra.

Sveitakeppnin (Íslandsmót golfklúbba, eldri kylfingar, 1. deild kvenna) fer fram hjá Golfklúbbnum Öndverðarnesi dagana 16. – 18. ágúst.

Stillt hefur verið upp 6 mótum til valsins og eru talin upp hér neðar. Leikið er almennt af rauðum teigum, höggleikur án forgjafar. Undantekning frá teigaskipan ræðst af í hvaða flokki er keppt, t.d í Meistaramóti. Skor kylfinga í hverju móti fyrir sig ræður fjölda stiga sem þeir fá fyrir mótið. Meðalskor í Meistaramóti GKG gildir tvöfalt (telur tvisvar).

Úr þessum 6 mótum fást því mest 7 skor (stig) og telja þau 4 sem flest stig gefa. Þeir sex kylfingar sem flest stig fá eftir mótin vinna sér sæti í sveitinni, en að auki velur liðsstjóri, María M. Guðnadóttir, síðan einn til þrjá til viðbótar í sveit GKG.

Miðvikudagsmót vegna vals sveitar GKG fara þannig fram að skráning er hjá Maríu liðsstjóra, og að loknum leik skila skorkorti, undirrituðu af ritara, í afgreiðslu eða til Maríu sem sér um að reikna stigin. Ekkert þátttökugjald er í þessi mót en greiða þarf vinavallagjald þegar leikið er utan GKG.

Mótin eru:

  1. 29. maí. Miðvikudagsmót í GKG Leirdalsvelli
  2. 9. júní. LEK mót á GÞ Þorlákshafnarvelli
  3. 19. júní. Miðvikudagsmót í GKG Leirdalsvelli
  4. 7.-13. júlí. Meistaramót GKG; meðalskor hefur tvöfalt vægi, telur tvisvar
  5. 17. júlí. Miðvikudagsmót í GÖ Öndverðarnesvelli
  6. 24. júlí. Miðvikudagsmót í GL Garðavelli

 

Stigagjöf fyrir mótin er sú sama og notuð er við val á landsliðum LEK:
1. sæti fær 330 stig, 2. sæti 265 stig, 3. fær 230 stig, 4. fær 210, 5. fær 190, 6. fær 175, 7. fær 155, 8. fær 140, 9. fær 125, 10. fær 115, 11. fær 110, 12. fær 100, 13. fær 95, 14. fær 90, 15. fær 85, 16. fær 80, 17. fær 75, 18. fær 70, 19. fær 65 og 20. fær 60.

Nánari upplýsingar veitir María liðsstjóri, sími: 8561920, netfang: mariag@lindaskoli.is