Sigurður Arnar Garðarsson, ungur kylfingur úr GKG, gerði sér lítið fyrir og sigraði sinn flokk (13 ára pilta) í unglinga mótinu sem fram fór í Þýskalandi. Sigurður lék frábært golf og var í forystu frá fyrsta hring. Hann lék seinasta hringinn á 79 höggum og vann með 11 högga mun á Þjóðverjann Florian Hurlimann sem endaði annar.
Sigurður endaði mótið á 28 höggum yfir pari en strákarnir léku af hvítum teigum. Völlurinn spilaðist 6.300 metra langur en til samanburðar er heimavöllur Sigurðar, Leirdalsvöllur, 5.872 metrar af hvítum teigum.
Kristófer Karl Karlsson, kylfingur úr GM, lék einnig í mótinu en hann var í flokki 14-15 ára pilta. Kristófer bætti sig um eitt sæti á lokahringnum en hann lék hann á 76 höggum. Hann endaði jafn í fjórða sæti á samtals 22 höggum yfir pari. Daninn Frederik Sejr vann flokkinn en hann endaði á 11 höggum yfir pari.
Lokastaðan í flokki Kristófers
Mynd: kylfingur.is
