Birgir Leifur Hafþórsson er í erfiðri stöðu eftir fyrstu tvo keppnisdagana á lokaúrtökumótinu fyrir Evrópumótaröðina í golfi. Birgir lék fyrsta hringinn á 74 höggum eða +4 (Tour course). Hann fékk þrjá skolla (+1), einn skramba (+2) og einn fugl. Hann lék betur í gær en kom þá inn á parinu, 72 höggum, á Stadium vellinum, sem er sá erfiðari af þeim tveimur völlum sem leikmenn skiptast á að leika.
Birgir Leifur á rástíma kl. 8:45 í dag og eru skor uppfærð á þriggja holu fresti.
Hann er sem stendur í 125. sæti af alls 156 kylfingum sem leika um 25 laus sæti á Evrópumótaröðinni. Alls verða leiknir sex hringir á mótinu og að loknum fjórða hring verður keppendum fækkað í 70.
Staðan á mótinu:
Áhugaverðar staðreyndir um lokaúrtökumótið 2015:
156 keppendur frá 26 löndum.
43 keppendur sem komust í gegnum 1. og 2. stig úrtökumótsins, Birgir Leifur Hafþórsson er einn þeirra.
32 keppendur erum fyrrum sigurvegarar á Evrópumótaröðinni með samtals 58 sigra. Þar fer Jarmo Sandelin frá Svíþjóð fremstur í flokki með fimm sigra.
5 keppendur á lokaúrtökumótinu hafa sigrað á lokaúrtökumótinu áður.
Richard McEvoy (2003 Emporda), Martin Wiegele (2007 San Roque Club), Oskar Henningsson (2008), David Dixon (2011) og Carlos Del Moral (2013).
4 keppendur hafa verið efstir á stigalista Áskorendamótaraðarinnar, Mark Foster (2001), Johan Edfors (2003), Edoardo Molinari (2009) and Espen Kofstad (2012).
3 kylfingar hafa leikið með Ryderliði Evrópu á ferlinum, en eru þessa stundina að berjast fyrir tilverurétti sínum á meðal bestu kylfinga Evrópu. Jarmo Sandelin (1999), Soren Hansen (2008) og Edoardo Molinari (2010).
18 keppendur eru eldri en 40 ára.
4 keppendur eru yngri en 20 ára.
953 keppendur tóku þátt á úrtökumótunum í ár, á öllum þremur stigum keppninnar.
778 keppendur tóku þátt á 1. stiginu sem er nýtt met.
93 keppendur komu beint inn á 2. stig úrtökumótsins og þar á meðal Birgir Leifur Hafþórsson.
82 keppendur komust beint inn á lokaúrtökumótið, ýmist af Áskorendamótaröðinni eða sjálfri Evrópumótaröðinni.
Peter Hedblom frá Svíþjóð er leikreyndasti leikmaðurinn á lokaúrtökumótinu. Hann hefur leikið á 465 mótum á Evrópumótaröðinni.
Birgir Leifur Hafþórsson hefur leikið á 58 mótum á Evrópumótaröðinni.
Sören Hansen er sá kylfingur sem hefur unnið sér inn hæstu upphæðina í verðlaunafé á Evrópumótaröðinni af þeim sem eru á lokaúrtökumótinu. Daninn hefur unnið sér inn 1,3 milljarða kr. á ferlinum.
Mark Foster frá Englandi hefur leikið á Evrópumótaröðinni í 14 ár í röð en hann er á meðal keppenda á lokaúrtökumótinu í ár.
Þjóðverjinn Dominic Foss er yngsti leikmaðurinn á lokaúrtökumótinu en hann er 18 ára gamall.
Jarmo Sandelin frá Svíþjóð er elsti keppandinn á lokaúrtökumótinu en hann er 48 ára gamall.
Cesar Costillo frá Argentínu er elsti nýliðinn á lokaúrtökumótinu en hann er 46 ára gamall.
Þetta er í 8. sinn í röð sem lokaúrtökumótið fer fram á PGA Catalunya Resort á Spáni.
Lokaúrtökumótið er það 40. frá upphafi en það fór fyrst fram árið 1976.
Byggt á frétt á golf.is
