Bragi Aðalssteinsson, Jóel Gauti Bjarkason og Sigurður Arnar Garðarsson eru þessa dagana að keppa í Evrópumóti U.S.Kids mótaraðarinnar í Skotlandi, en mótið fer fram á Gullane vellinum (Sigurður í 12 ára flokki), og Luffness vellinum (Bragi og Jóel í 15-18 ára flokki).
Drengjunum gekk vel á fyrsta degi í gær, en Bragi lék á 74 höggum og er í 6. sæti og Jóel Gauti lék á 75 og er í 13 sæti.
Sigurður Arnar lék sérlega vel 70 höggum og er 2 undir pari og er í fyrsta sæti ásamt 4 öðrum.
Afreksþjálfari GKG, Derrick Moore, fylgir þeim í mótið. Derrick þekkir vellina vel enda eru þetta hans æskuslóðir.
Þetta er frábær byrjun á mótinu hjá þeim og verður spennandi að fylgjast með þeim næstu tvo hringi, en mótinu lýkur á morgun.
Hægt er að fylgjast með stöðunni hér.
