Fréttir almennt

Þann 20. maí 2006 undirrituðu þeir Gunnar I. Birgissonar bæjarstjóri Kópavogs og Gunnars Einarssonar bæjarstjóri Garðabæjar fyrir hönd sinna bæjarfélaga og Guðmundur Oddsson formaður GKG fyrir hönd klúbbsins viljayfirlýsingu í þremur liðum þar sem kemur fram að ofangreindir aðilar fyrir hönd sinna bæjarfélaga og klúbbsins lýsi yfir vilja um áframhaldandi stuðning við uppbyggingu GKG á næstu árum. Viljayfirlýsing þessi sem er ákveðin áfangi í áralöngum viðræðum bæjarfélaganna og forsvarsmanna GKG um áframhaldandi uppbyggingu golfklúbbsins tekur á þeim málum sem helst myndu standa klúbbnum fyrir þrifum við áframhaldandi þróun og vöxt á næstu árum.

Allt frá því undirritun viljayfirlýsingarinnar í mai á síðasta ári hefur verið unnið ötullega af hálfu GKG að þeim verkefnum sem viljayfirlýsingin tiltók, en hún hljómar þannig.

 Nú fyrir áramótin var gerður samningur á milli Golfklúbbs Kópavogs og Garðabæjar og Kreditkorts hf. um að Kreditkort hf. taki að sér allar innheimtur félagsgjalda fyrir GKG árið 2007. Gríðarleg vinna er jafnan ár hvert við innheimtur félagsgjalda félagsmanna auk þess sem […]

Hafliði Skúlason starfsmaður GKG sem er nú að ljúka námi í Elmwood College í Skotlandi þar sem hann hefur lagt stund á nám í golfvallafræðum var á laugardaginn veitt hæsta viðurkenning sem The Royal and Ancient Golfclub of St.Andrews veitir á hverju ári. Hafliði er eini European Scholarship styrkþeginn sem R&A styrkir á þessu ári.

Hafliði var að sjálfsögðu mættur í Skoskum klæðnaði Skotapilsi af Black Watch gerð. Aðspurður sagði Hafliði "Það var magnað að stíga fæti inn í helgasta (og lokaðasta) musteri Golfsins; Klúbbhús Royal and Ancient. Ekki það að ég hafi sóst eftir því, heldur var mér bara boðið. Ljósmyndatökur eru stranglega bannaðar innandyra svo ekki voru teknar neinar myndir nema af innanbúðarmönnum til notkunar í kynningarstarfi R&A. Þetta er lifandi safn. Ég sá ekki bara fiðurboltana frægu, Golfkylfur Old Tom Morris og alla bikarana heldur svo margt margt annað. Heyrði fullt af sögum. Þetta var mjög áhugavert og skemmtilegt."

Meðlimir Royal and Ancient eru 2400 talsins og þar af eru 1200 þeirra sem búa utan Bretlandseyja. Enginn biðlisti er í klúbbinn þar sem væntanlegum meðlimum er eingöngu boðin innganga. Flestir félagsmenn koma bara einu sinni til tvisvar á ári.

Tveir kylfingar úr GKG voru í hópi þeirra 10 sem komu til greina sem íþróttamaður Garðabæjar fyrir árið 2006. Það voru þeir Birgir Leifur Hafþórsson og Sigmundur Einar Másson.

Íþrótta- og tómstundaráð Garðabæjar tilnefndi síðan sex íþróttamenn sem útnefndir voru til kjörsins […]

Nokkrir af stuðningsmönnum Birgis Leifs hafa ákveðið að efna til herrakvölds á Hótel Loftleiðum föstudagskvöldið 29. desember (í kvöld) klukkan 19:00. Miðar fást í öllum golfbúðunum Nevada Bob, Hole in One og Golfbúðinni í Hafnarfirði. Miðinn kostar 7.500 krónur og rennur allur ágóði af þessu kvöldi til Birgis Leifs sem er að hefja þáttöku á Evrópumótaröðinni. Hægt verður að fá miða við innganginn einnig.
Boðið verður upp á fordrykkinn Miðnes við komuna og hljómsveitin Bardukha mun leika ljúfa tóna á meðan.
Matseðill kvöldsins er ekki af verri endanum enda um snilldar kokka að ræða í eldhúsinu á Loftleiðum. Boðið verður upp á þriggja rétta steikarhlaðborð sem hæfir sprækum karlmönnum á öllum aldri.

 Birgir Leifur mun segja frá sér og sínum næstu skrefum á Evrópumótaröðinni. Þá mun hann gefa gestum tækifæri til að ræða við hann um allt sem þeim dettur í hug, s.s. hvernig lífið sé á Evróputúrnum, lífið í Lúxemburg, þátttaka á íslandi, hvað sé framundan o.fl.

Sjáðu matseðil með því að smella á "Lesa meira" hér til hliðar >>

 Stjórn og starfsfólk Golfklúbbs Kópavogs og Garðabæjar óskar öllum félagsmönnum sínum gleðilegra jóla og farsældar á nýju ári. Megi Guð og gæfan fylgja ykkur yfir hátíðirnar.

 Skrifstofa GKG verður lokuð milli jóla og nýjárs en opnar aftur þriðjudaginn 2. janúar 2007 klukkan 9.

Golfklúbbur Kópavogs og Garðabæjar hefur samið við þá Derrick Moore og Úlfar Jónsson til að sjá um öll þjálfunar og kennslumál GKG.

Það er mikill hvalreki fyrir GKG að fá þessa landsfrægu einstaklinga til þess að sjá um kennslumál klúbbsins. Þeir félagar munu starfa sameiginlega að öllum kennslu og þjálfunarmálum allra kylfinga GKG sem þess óska. Þeim til aðstoðar verður síðan Hlynur Þór Haraldsson sem nú stundar nám hjá PGA í Noregi. Þessi hópur faglærðra kennara mun auka enn á gæði þeirrar þjónustu sem GKG hefur lagt áherslu á undanfarið gagnvart sínum nemendum á öllum stigum. (Sjá meira)

 Guðjón Henning Hilmarsson er kominn aftur til liðs við okkur hér í GKG eftir að hafa varið síðasta ári hjá Kjalarmönnum í Mosfellsbænum.

 Guðjón Henning hóf golfferillinn hér í GKG á ungaaldri og er einn af sterkustu kylfingum landsins í sínum aldursflokki. Guðjón er […]

GKG og Brynjar Eldon Geirsson íþróttastjóri GKG til nokkurra ára hafa komist að samkomulagi nú í kvöld um að Brynjar láti af störfum sem íþróttastjóri GKG og hætti þjálfun fyrir GKG. Brynjar hyggst reyna fyrir sér á nýjum vettvangi og óskum […]

Guðmundur Oddsson endurkjörinn formaður

Aðalfundur Golfklúbbs Kópavogs og Garðabæjar var haldinn í Smáranum í Kópavogi síðastliðinn laugardag. Það voru 43 félagsmenn sem mættu á aðalfundinn að þessu sinni og var almennt álitið að fundurinn hefði tekist vel.

Miklar umræður urðu á köflum um hin ýmsu málefni og má lesa fundargerð